இனிய சுதந்திர தின நல்வாழ்த்துக்கள்..

உலகில் உள்ள அனைத்து நண்பர்களுக்கும் 

இனிய சுதந்திர தின நல்வாழ்த்துக்கள்..

இந்தியன் என்பதில் பெருமிதம் கொள்வோம் 

இணைந்தே இன்னும் பல சாதனைகள் புரிவோம்

நட்சத்திர பழத்தில் உள்ள சத்துக்கள்

கோலாலம்பூர், ஆக. 13- நட்சத்திரப் பழம் பற்றி நிறையபேர் அறிந்திருப்போம். இந்தப் பழம் தாய்லாந்து, வியாட்நாம், சிங்கப்பூர், மியான்மர், இந்தோனேசியாவில் அதிகம் விளைவிக்கப் படுகிறது. தமிழ்நாடு மற்றும் கேரளாவில் சில இடங்களில் மட்டுமே இது விளைகிறது.

நம் நாட்டில் மலாய்காரர்கள் மிகவும் விரும்பி சாப்பிடும் பழங்களில் நட்சத்திர பழமும் ஒன்று. அதேசமயம் இதனை  மலாய் மொழியில் ‘புவா பிந்தாங்’ என்றும், ஆங்கிலத்தில் ‘ஸ்டார் புருட்’ என்று இங்கு அழைக்கப்படுகிறது.

இதன் வடிவம் நட்சத்திரம்போல் இருப்பதால் இதனை நட்சத்திரப் பழம் என அழைக்கின்றனர். மஞ்சள் கலந்த பச்சை நிறத்தில் காணப்படும் இது இனிப்பும் புளிப்பும் கலந்த சுவை கொண்டது. நட்சத்திர பழத்தில் அதிகளவு நார்ச்சத்து நிறைந்துள்ளது.

இதை சாப்பிட்டு வந்தால் குடலில் உள்ள அசடுகளையும், பழைய மலக்கட்டுகளையும் வெளியேற்றும். இப்பழம் கிடைக்கும் காலங்களில் அதிகளவு சாப்பிட்டு வந்தால் மலச் சிக்கலின்றி வாழலாம்.

அஜீரணக் கோளாறால் வயிற்றில் வாயுவின் சீற்றம் அதிகமாகி மூலப் பகுதியைத் தாக்குகிறது.

இதனால் மூலநோய் உண்டாகிறது. இந்த மூல நோயின் பாதிப்பிலிருந்து விடுபட நட்சத்திர  பழத்தை இரவு உணவுக்குப் பின் இரண்டு துண்டுகள் சாப்பிட்டு வந்தால் மூல நோயின் தாக்கம் குறையும்.

மழைக் காலத்தில் சருமத்தில் சில பாதிப்புகள் ஏற்படும். நட்சத்திர  பழம் சாப்பிட்டு வந்தால் சரும நோயின் பாதிப்புகளிலிருந்து விடுபடலாம்.

உடலில் நோய் எதிர்ப்பு சக்தி அதிகமாக இருந்தால்தான் உடல் ஆரோக்கியமாக இருக்கும். இந்த நோய் எதிர்ப்பு சக்தியை அதிகரிக்கும் சக்தி நட்சத்திர பழத்திற்கு உண்டு.

நட்சத்திர பழத்தை கிடைக்கும் காலங்களில் சாப்பிட்டு வந்தால் நோய் எதிர்ப்பு சக்தி அதிகரிக்கும். நட்சத்திர  பழம் நரம்புகளைப் பலப்படுத்தும் தன்மை கொண்டது.

இப்பழத்தை அடிக்கடி சாப்பிட்டு வந்தால் நரம்புகள் பலம் பெறும், ரத்த ஓட்டம் சீர்படும். 10 கிராம்  நட்சத்திர பழத்தில் மாவுச்சத்து – 6.73 கிராம், சர்க்கரை – 3.98 கிராம், கொழுப்பு – 0.33 கிராம், புரதம் – 1.04 கிராம், பான்தோதினிக் அமிலம் – .39 கிராம் %, போலேட் – 12 கிராம், வைட்டமின் சி – 34.4 கிராம், பாஸ்பரஸ் – 12 மிலி கிராம், பொட்டாசியம் – 133 மிலி கிராம், துத்தநாகம் – 12 மிலிகிராம் உள்ளன.

எனவே, அனைத்து சத்துக்கள் நிறைந்த இப்பழத்தை உண்டு நோயற்ற வாழ்க்கை வாழ்வோமாக!

தெய்வமாய் என்னுள் வாழும் என் அப்பா...

அப்பா இம்மண்ணுலகை விட்டு
நீங்கள் இறைவணடி சேர்நது
இந்த வருடத்தோடு 23 ஆண்டுகளாகிவிட்டது
இன்றும் என் நினைவில் நீங்காமல் நீங்கள்
தெய்வமாய் என்னுள் வாழ்கிறிர்கள்...

1970...80ம் ஆண்டுகளில்
நீங்கள் பினாங்கில் மஇகா சுங்கை நிபோங் கிளைத்
தலைவராக பதவி வகித்து வந்ததையும்..
அதே காலக்கட்டத்தில் - நீங்கள்
சுங்கை நிபோங் வீர காளியம்மன் ஆலயத் தலைவராக
பதவி வகித்து மக்களுக்கும், சமுதாயத்தற்கும்
நீங்கள் ஆற்றிய சேவையை மறக்கமுடியாது அப்பா

குடும்பத்தை விட.. சமுதாயத்திற்காக
உங்கள் வாழ்நாளை அர்பணித்த சமுகவாதி நீங்கள்
அப்பா நீங்கள் என் வழிக்காட்டி இன்றும்......
இன்று என் பெயர் பின்னால் `வேலாயுதம்`
என்று என்னுள் சக்தியாய் வாழ்கிறிர்கள்...அப்பா


ஒரு மனிதன் விழாமலே வாழ்ந்தான்
என்பது பெருமையல்ல......
விழுந்த போதேல்லாம் எழுந்தான்
என்பதுதான் பெருமை..... என்று
அப்பா நீங்கள் எனக்கு கூறிய அந்த
வார்த்தையோடுதான் என் பயணம்
தொடர்கிறது.... நன்றி அப்பா

  

ஈகைத் திருநாள் வாழ்த்துக்கள்..!

ஆக. 8- முஸ்லிம் மக்கள் இன்று தமது நோன்புப் பெருநானைக் குதூகலமாகக் கொண்டாடுகின்றனர்.

உலகில் எங்கெல்லாம் முஸ்லிம்கள் வழ்கின்றனரோ அங்கெல்லாம் இப்பெருநாள் கோலாகலமாகக் கொண்டாடப்படுகிறது.

‘ஈதுல்பித்ர்’ என்பது பொதுவாக நோன்புப் பெருநாள் என்று அழைக்கப்படுகிறது. இது ஏன் இப்பெயர் கொண்டு அழைக்கப்படுகிறது…? முழு உலக முஸ்லிம்களும் ஒருமாத காலம் நோன்பு நோற்று அதைத் தொடர்ந்து கொண்டாடும் பெருநாள் இது எனக் கூறப்படுகிறது.

முஸ்லிம்கள் கடைப்பிடிக்க வேண்டிய கட்டாயக் கடமைகள் ஐந்து உண்டு. இதில் ஒன்றைத் தவிர்த்துக் கொண்டாலும், அவர் முஸ்லிமாக முடியாது. விசுவாசப் பிரகடணம் (கலிமா), தொழுகை(ஐந்து நேரம் வணங்குவது), ஏழை வரி (ஸாகத்) , நோன்பு (ரம்லான்  மாதம் முழுவதும்), புனித கவுபாவில் குறிப்பிட்ட கால எல்லையில் வணங்குதல் (ஹஜ்) என்பனவே இவை.

அந்த வகையில் ஐம்பெரும் கடமைகளுள் ஒன்றான நோன்பை நிறைவேற்றிய பின் கொண்டாடும் ஒரு புனித நாள்தான் ஈகைத் திருநாள்.

பொதுவாக முஸ்லிம்களின் கலண்டர் அல்லது மாதங்கள் யாவும் சந்திரனை மையமாகக் கொண்டே கணிக்கப்படுகிறது. நடைமுறை உலகில் நாம் சூரிய ஆண்டை பின்பற்றுவது போல முஸ்லிம்கள் சமய விடயங்களில் சந்திர ஆண்டையே பின்பற்றுகின்றனர். இதன் காரணமாகவேதான் பிறை பார்த்து நோன்பு நோற்று பிறை பார்த்து நோன்பை நிறைவு செய்கின்றனர்.

அதாவது ரம்லான் மாதம் முழுவதும் நோன்பு நோற்று சவ்வால் மாதம் முதலாவது பிறை கண்டதும் பெருநாள் கொண்டாடப்படுகின்றது. இந்த அடிப்படையில் முஸ்லிம்களைப் பொருத்தவரை பிறை பார்ப்பது முக்கியமாகிறது.

இதிலும் ஒரு முக்கிய நிபந்தனை பின்பற்றப்படுகிறது. வெற்றுக் கண்ணால் ஆகக் குறைந்தது இரு ஆண்கள் (4 கண்கள்) பிறையைக் கண்டால் மட்டுமே அந்நாட்டு மக்கள் மாதம் பிறந்ததாக ஏற்பர்.

இதன் காரணமாகவே பெரிய பள்ளிவாயலில் பிறை பார்ப்பது தொடர்பாக மாநாடு நடத்தப்பட்டு ஊர்ஜிதம் செய்யப்பட்ட பின்னரே அது அறிவிக்கப்படுகிறது.

அதே நேரம் பெருநாள் தினத்திற்கு முன் ஒரு மாதகாலம் நோன்பு நோற்பது என்பதும் சாதாரண காரியமல்ல. ஏனெனில் அதிகாலை சுமார் 4.45 மணிமுதல் மாலை சுமார் 6.15 மணிவரை ஏறத்தாழ 14 மணித் தியாலங்கள் எந்த உணவோ பானமோ உட்கொள்ளாமல்தான் நோன்பு நோற்கப்படுகிறது. உணவுத் தொகுதியில் ஒரு துளி உணவோ, ஒரு துளி நீரோ சென்றடைவதில்லை.

அது மட்டுமல்ல, அழகிய அல்லது ரசனை கொண்ட எதனையும் நோக்குவதில் இருந்து தவிர்ந்து கொள்வதும் ஆகும். உதாரணமாக ஒரு நடனத்தை அல்லது இச்சை தரும் எக்காட்சியையும் பர்க்காது இருப்பதும் முக்கியம். ஐம்புலன்களும் அடக்கப்படுவதே உண்மையான நோன்பு என வழங்கப்படுகிறது.

இந்நாளில் மனக்கட்டுப்பாடும் அத்தியாவசியமாகிறது. பாவமான விடயங்களை, மனோ இச்சை தரக் கூடிய விடயங்களை, மனதால் கூட நினையாதிருத்தல் அவசியமாகும்.

இப்படியாக அனைத்து ஆசாபாசங்களையும் துறந்து, ஒருமாதம் கடத்துவது என்பது நல்ல பயிற்சி இன்றேல் சிரமமான காரியமாகும். அத்துடன் இரவு முழுவதும் விழித்திருந்து இறைவனைப் பிரார்த்திக்க வேண்டும். தான தர்மங்கள் செய்யப்பட வேண்டும்.

ஒருவருக்கு சுமார் 2 கிலோ 300 கிராம் எடை கொண்ட தானியம் வீதம் (அரிசி) கட்டாயம் ஏழைகளுக்கு வழங்கவேண்டும். இது கட்டாயக் கடமையாகும். இதனை ‘சதகத்துல் பித்ரா’ என்பர்.

இவ்வாறு பிறருக்கு கொடுப்பதை அதிகமதிகமாக்கிய காரணத்தால் அல்லது ஈகையை வழியுறுத்துவதால் அதனை அடுத்து வரும் பெருநாளை ‘ஈகைத் திருநாள்’ என்ற பொருளோடு ‘ஈதுல் பித்ர்’ கொண்டாடப்படுகிறது.

இறைவனின் (அல்லாஹ்வின்) அன்பையும் பொருத்தத்தையும் நாடி ஒருமாத காலம் தமது அனைத்து சுகபோகங்ளையும் துறந்து அல்லது தியாகம் செய்து வாழ்ந்தார்களோ அதற்கான மகத்தான கூலி அந்த இறைவனிடமிருந்து கிடைக்கும் நாள்தான் இந்த நோன்புப் பெருநாளாகும். அதாவது இறைவன் தன் நல்லடியார்க்கு நரக விடுதலை அல்லது சுவர்க்கம் வழங்கும் தினமுமாகும்.

முஸ்லிம்களைப் பொருத்தவரை உலகவாழ்க்கை போலியானது என்றும் உண்மை வாழ்வு மரணத்தின் பின் உள்ளது என்றும் ஏற்றுக் கொள்கின்றனர்.

எனவே மரணத்தின் பின் உள்ள வாழ்வு சுவர்க்கமாக இருக்க வேண்டும் என்பதனால் நோற்ற நோன்புக்குக் கூலி வழங்கும் இந்நாள் நிச்சயம் அது பெருநாளாகத்தான் இருக்குமல்லவா?

அனைவருக்கும் செல்லியல் குழுமம் சார்பாக நோன்பு பெருநாள்  வாழ்த்துக்கள் உரித்தாகட்டும்…!

PERSEMBAHAN 'KURINJI MALARGAL' ANJURAN PERSATUAN SISWAZAH BELIA INDIA SEREMBAN PADA 4.8.2013 DI MPS HALL

THINAKURAL 13.8.2013

https://www.facebook.com/Nahgendra

SIARAN AKBAR DI HARIAN TAMIL 'THINAKURAL' 10.8.2013

Malaysia No1 Hot Tamil Daily THINAKURAL

PROGRAM KEMPEN MEMBACA SURAT KHABAR TAMIL 'THINAKURAL' DI SJKT TUN SAMBANTHAN, PAJAM